محتار بتفسيره باسم الكربلائي.اصدار صلوات

محتار بتفسيره (ناظم الحاشي)
عباس بعباسه محتار بتفسيره
كل الغيرة براسه و أصبح راعي الغيرة

تتفاخر بيه العترة .. لو سميته ابن الزهرا (2)
من حيدر علمه و فكره .. و سر المعصوم بسره
تشتم الغيرة بعطره .. بس تدخل باب الحضرة

غيرة من النار ما تبرد ، معنى الاصرار من حيدر
ثورة و إيثار يتجسد ، شبل الكرار من يزأر
حب دينه بأنفاسه و الـْ شاغل تفكيره
*
كل عطشان من يطوفه .. يشرب غيرة من جفوفه (2)
قمر و ع القاع تشوفه .. ما غاب و عاف ضيوفه
تحجي الدنيا بمعروفه .. هاي أطباعه الموصوفة

هذا العباس من تصعب ، مرفوع الراس يتبسم
راعي النوماس من يغضب ، لـَ أشرار الناس ما يهتم
و الشر حارب ناسه بإيمانه و تدبيره
*
طبعه بمهده يعرفونه .. لو شافوا تبجي عيونه (2)
بـِ اسم حسين يحلفونه .. عباس امن يسكتونه
فارس و الكل يدرونه .. ما صار الطف من دونه

(... ما نام لو يرتن) ، سيف الاقدام من يقدم
صوت الاسلام و يأذن ، ضد الظلام متحزم
راس العايل داسه و أصبح خصمه بحيرة
*
من حيدر كل أوصافه ..عزمه و عدله و إنصافه (2)
زعله و غيضه و أعرافه .. و البسمة الـْ بين شفافه
وفى بعهده و ما عافه .. و الـْ طاف بحيدر طافه

حي و ما مات و تخلد ، سر الآيات و تقدس
يوم الكلفات بيه تشهد ، ريح الصعبات يتنفس
يوم الطف مقياسه ظل شاهد تصويره
*
عباس الباري اختاره .. من سر حسين أسراره (2)
بالطف مشهودة آثاره .. و منورة الدنيا أنواره
يقضي الحاجة لزواره .. طبعه و يكرم خطاره

هذا الوفاي بالمنحر ، ما ذاق الماي يوم الطف
ثابت ع الراي و تصبر، عباس بهاي و تشرف
بصبره و شدة باسه و أفكاره و تأثيره